1. | Liawe Leit grüßt Eich Gott, grüß Gott liawe Leit, es is Ende Juli und wieder City-Fest-Zeit. |
2. | Dou howe wos g'seng und ho ma wos dacht, dann howe a glei a poar G'schtanzln dras g'macht. |
3. | In Schwoarza howe g'suffa, aaf da Bruck hint howe g'schpiem, und in Alfalter woa City-Fest, dou bin I dann bliem. |
4. | Mei liawa dei City des is eine Macht, dou wird gern durchg'feiert und a Gaude g'macht. |
5. | De Moila vo da City ham seidene Schtrimpf o, dei dans nimma wasch'n, dei bieslns bloß o. |
6. | Und d'Alfaltrer Weiwa dei ham an bsonderen Gang, mit'n link'n Fouß deins Gros mahn, mit'n rechtn dan ses zam. |
7. | Ja iwahapts mir Alfaltrer, mir han scho niad verkehrt, bloß d'Leit vo da City san bal s'doppelte wert. |
8. | Zum Beispiel da Wegerer Fred des is unsa Schmie, wenn der eppas schwoißt, des wird nimma leicht hie. |
9. | In sein Haus hamma asg'schenkt, des woa goa niad schlecht, eitz is da Parkett drin, dou paß'z nimma recht. |
10. | Drum schenk' ma heier in da Schupfa aas, des is wirkle nett, dei hot uns zur Verfügung g'schtullt dei Meier Bawett. |
11. | Da Kleinotzki Bepp der hot drei Weiwa im Haus, den kummt's City-Fest grod recht, dou kona dann aus. |
12. | Sei Garasch wird am City-Fest recht schtrapaziert, drum hots a der Beppe vohrigs Joahr tapeziert. |
13. | Sein Hof hoda pflastert, daß s'Auto niad vasinkt, eiz derf ma nimma hiebrunzn, wals sunst bloß recht schtinkt. |
14. | Dou sitzt dann die City, drei Doch is koi Rouh, wenn a d'Weiwa a weng grona, dei gem scho wieda nou. |
15. | Und a da Fenkerl Kare is am City-Fest fleiße durt, owa am andern Doch mit'm afschtei wird's a schware Geburt. |
16. | Da Kopf dout eahm weih und as Bier liegt im Mong, vo dene acht Maß hoda oine niad vadrong. |
17. | Doch sein grouß'n Boum dout da Schedl niad weh, da Schosch rennt a efter furt , wei da Kare. |
18. | Er dout recht gern feiern mit da Damenmannschaft, am Sundoch dann orgeln, brouda dou is a g'schaft. |
19. | Und a da Pfoarabauer Sepp is glei in da Näh', der is nämle Teamchef vu da Damenriege. |
20. | Ja is des niad sonderbar, alle zwoa sans voan dro, doch koine vu de 20 Weiwa fallt für dei zwoa o. |
21. | d'Elfriede und da Xaver ham scheine Töchter, und'n Franz und'n Stephan, bloß d'Boum gems niad her. |
22. | Da Franz is da grouß und der is Inschiner, da Stephan is vun Moia d'runt Facharbeiter. |
23. | Iwahapts dei ganz'n City-Böck wan lede und zum hom, owa dou meist mas scho direkt vu da City assedrong. |
24. | Dahoam hams die Kost und a die Loschie, drum genga dei Böck a sunst neichats mehr hie. |
25. | Und die Moral is vu dera G'schicht, dei ganz'n City-Böck woll'n koa Weiwa nicht. |
26. | Eiz kummt a 4-Zeiler !!! Die Oma dawischt beim Kramer an Bikini voll Glück, doch nach zwoa Doch bringt d'Oma s'Oberteil zurück. Dou frougt die Boatmo Traudl: "Is epp s'Oberteil zu klein?", d'raf sagt d'Oma: "Im Gegnteil, i bring all's in d'Hosn rein." |
27. | Vu die Damen vu da City gits heind an Koucha und an Kaffee, und wen ses oina abuillt, macht'n Elfriede an Prostata-Tee. |
28. | Ja des han sch G'schichtn, dei nehmt's niad für voll, i woaß a niad g'wieß, ob i weida singa soll. |
29. | Mei Opa woa Zimmermoh und Schreiner bin i, und gits mal koi Holz mehr, nou wire halt Schmie. |
30. | Mitt'n in da City schteit da Bock vu da Goaß, des imponiert unsan Moia-Hans - lout glei an drum Schoaß. |
31. | Des dout an moz Schloch, daß d'Fenster kracha, dann kummt da Schwarz Heiner, dout d'Scherm zamsoucha. |
32. | Der wohnt glei links drom, am Muracher Weg, und man mecht's fast niad glam, der find fei alln Dreg. |
33. | Und amal nou da Kirwa, lust's af liawe Leit, hod da Heiner an Pariser g'funa, angeblich as da Steinzeit. |
34. | Da Heiner hods uns bewiesn, mir hams fast niad glabt, Probleme hams a in da Steinzeit scho mit dem AIDS g'habt. |
35. | Des woarn a poar G'schtanla, 30 Schtick woarn des g'wiß, und i hoff' nacha scho, daß ma koina böiß is. |
36. | Eiz mou i afhern zum singa, wal sunst wir i no berühmt, und dann greiche aa a so a Denkmal, wou's Wasser assarinnt. |
© Hans Gradl im Juli 1993 |
Zurück zu AltfalterCity |